एप्रिल २९ मनु कोंमे तमु युएई:-बिश्वब्यापी रुपमा महामारी फैलिएको कोभिड - १९ कोरोना भाइरस बारे युएईको स्वास्थ्य तथा रोकथाम मन्त्रालयका अनुसार नागरिक र बासिन्दाहरुको बिच परिक्षण गर्दा २९ अप्रील २०२० बुधबार कोरोना भाइरसको - ५४९ जना नयाँ संक्रमित भेटिएको छ। थप नयाँ संक्रमित सहित हाल सम्म युएईमा कोभिड- १९ कोरोना भाइरस बाट संक्रमित हुनेको संख्या - ११,९२९ जना पुगेको छ । त्यसैगरी युएईमा कोभिड - १९ कोरोना भाइरस बाट संक्रमित भइ उपचार गराइ रहेका उपचार पश्चात् - १४८ जना पुर्णरुपमा निको भएका छन। युएईमा उपचार पश्चात् हाल सम्म संक्रमित भएकाहरु - २,३२९ जना पुर्णरुपमा निको भइसकेका छ्न। कोभिड - १९ कोरोना भाइरस बाट संक्रमित भएका थप - ९ जनाको मृत्यु भएको छ । हाल सम्म युएईमा कोरोना भाइरस बाट संक्रमित भइ मृत्यु हुनेको संख्या - ९८ जना पुगेको युएई सरकारको स्वास्थ्य तथा रोकथाम मन्त्रालय जनाएको छ। युएई सरकारको स्वास्थ्य तथा रोकथाम मन्त्रालयले जनतालाई स्वास्थ्यकार्मीसंग सहाकर्य गर्न र सबै सुरक्षा उपायहरु,बिशेष गरि सामाजिक दुरि प्रोटोकलहरुको पालन गर्न आम जनताको सुरक्षा र सुरक्षा सुनिश्चित गर्न आह्वान समेत गरेको छ । दुबई सरकारले २४ घण्टे आवागमन प्रतिबन्ध लाई सहज बनाए पछि ग्राहकहरुको चहलपहल निकै बढेको छ।दुबई मेट्रोले पनि आफ्नो सेवाहरु पुनः सुचारु गरेको छ भने युएईका सबै इमिरेट्सहरुमा यति सपिङ मल,रेष्टुरेन्ट,गोल्ड सोप र पसलहरु खुल्ला गरेको छ। त्यसैगरी एनआरएनए युएईले बिश्वब्यापी रुपमा महामारी फैलिरहेको कोभिड - १९ कोरोना भाइरसका कारण संक्रमणको जोखिम लाई कम गर्न गरिएको लकडाउनमा परि युएईको विभिन्न ठाउँमा समस्यमा परेका पीडित श्रमिक नेपालीहरु लाई दैनिक राहत खाद्यान्न सामाग्री वितरण गर्दै आइरहेको छ । एनआरएनए युएईले यस अभियान लाई निरन्तरता दिंदै २० औं दिन पूरा गरि सकेको छ। एनआरएनए युएई क्यु आर एफ नेपाल टिममा डिआरसी मनोज गोर्खाली, अध्यक्ष प्रकाश कोइराला,उपाध्यक्ष पासाङ रिन्जी शेर्पा,उपाध्यक्ष राजन खतिवडा, कोषाध्यक्ष बिकास शाही,युवा संयोजक मदन अधिकारी, एनसीसी सदस्य सुजन सापकोटा,रमेश ढकाल,राजन अधिकारी र नेफिन युएईका संरक्षक समिति सदस्य तथा नेपाल मगर संघ शाखा युएईका निवर्तमान अध्यक्ष एवं वर्तमान प्रमुख सल्लाहकार टंक थापा मगर रहेका छ्न।आभियानमा आफ्नो स्वास्थ्यक कुनै प्रवाह नगरी दिनभर फिल्डमा खटिएका छ्न। यस अभियानमा आर्थिक,भौतिक र नैतिक सहयोग सहित सहकार्यमा जोडिएका संघ संस्थाहरु नेपाल मगर संघ शाखा युएई , नेपाल आदिवासी जनजाति युवा महासंघ युएई , मोरङ सुनसरी सेवा समाज युएई , तनहुँ सेवा समाज युएई ,सर्लाही सेवा समाज युएई ,कास्की आदर्श सेवा समाज युएई ,लुम्बिनी वेलफेयर सोसाइटी युएई ,ठकुरी सहयोग संजल युएई र नेपाली सेफ सोसाइटी युएई रहेको छ। अबुधाबी स्थित नेपाली राजदुतावास युएईले एक सूचना प्रकाशित गरि कोरोना भाइरसका कारण उत्पन्न असहज स्थिती भोगी रहेका नेपालीहरु लाई उद्दार तथा सहयोग गर्ने कार्य लाई व्यवस्थित बनाउन अनलाइन फारामको बिकास गरि तथ्यांक संकलन गर्न थालिएको छ। नेपाल दूतावास युएईले वेबसाईटमा गएर आफ्नो व्यक्तिगत विवरण दर्ता गर्न आग्रह समेत गरेको छ। त्यसैगरी नेपाल राजदुतावास अबुधाबी युएईले युएईमा स्थापित विभिन्न संघ संस्थाहरु संघ छलफल गरेको छ। छलफलको क्रममा संघ संस्थाका प्रमुख तथा प्रतिनिधिहरुले युएईमा कोरोना भाइरसका कारण अलपत्र परेका नेपालीहरु लाई नेपाल फर्काउनु पर्नेमा जोड दिएको थिए भने एनआरएनए युएई र नेपाली समाज युएईले अहिले सम्म गरेका राहत तथा उद्दारको बारेमा जानकारी गराएका थिए । नेपाली दूतावास युएईका महामहिम राजदुत कृष्ण प्रसाद ढकालले अहिलेको विषम परिस्थितिमा नेपाली संघ संस्थाहरुले खेलेको भूमिकाको बारेमा प्रशांसा गरेका छ्न। युएईमा कति नेपाली कोरोना बाट संक्रमित भन्ने टेन्टटिभ डेटा नेपाली दूतावास संग रहेको तर संख्या खुल्लाउन चाहेनन् ।दूतावासले पीडितहरु र अन्य श्रोतहरु बाट प्राप्त जानकारीको आधारमा तथ्यांक राखेको तर आधिकारिक जानकारी युएई सरकार बाट नै हुन बांकी रहेको बताएका छन। कोभिड - १९ कोरोना भाइरस महामारी प्रकोपको कारण युएईमा मृत्युु हुनेको संख्या कम रहेकोले संक्रमित हुंदैमा नआत्तिन र सबै लाई उच्च मनोबल बनाउन आग्रह गरेका छ भने नेपाल सरकार सदैव साथमा रहेको र युएईमा रहेका नेपालीहरुको समस्य बारे जानकार रहेकोले धैर्य रहन महामहिम राजदुत कृष्ण प्रसाद ढकालले जोड दिएका छन। त्यसैगरि बिश्वब्यापी रुपमा महामारी फैलिएको कोभिड - १९ कोरोना भाइरसको संक्रमण नियन्त्रण गर्न नेपालको प्रयासलाई संघाउने उद्देश्यले युएईले नेपाललाई सात मेट्रीक टन स्वास्थ्य सामाग्री सहयोग स्वरुप सहयोग प्रदान गरेको नेपाली राजदुतावास अबुधाबी युएईले जानकारी गराएको छ।