अप्रिल १५ दिपेन तमु तेलअविव :– किराँत याक्थुङ चुम्लुङ इजरायलको छैटौँ वार्षिकोत्सब तथा साधारणसभा तेल अभिवमा भब्य रुपले सम्पन्न भएको छ । शनिबार १३ अप्रिल २०१९ तेलअबिव एभरेष्ट डिस्को हलमा सम्पन भएको कार्यक्रममा  एक वरिष्ठ सल्ला हकार र १३ सदस्यीय कार्य समिति चयन गरेको छ । प्रथम चरणको कार्यक्रमको सभापति किराँत याक्थुङ चुम्लुङ इजरायलकी अध्यक्ष गिता तुम्बाहाङ्फेले गरेकी थिईन, भने प्रमुख अतिथि नेपाल आदिवासी जनजाती महासंघ इजरायलका अध्यक्ष नरेश कुमार श्रेष्ठ , बिशेष अतिथिमा गायक तथा मोडल कुशल थलङ लिम्बु रहेको कार्यक्रममा विभिन्न संघ/संस्थाका अध्यक्ष तथा प्रतिनिधि रहेको कार्यक्रममा मिडिया कर्मीलगायत इजरायलवासी नेपालीहरुको उपस्थिति रहेको थियो ।

सो कार्यक्रममा नेपालबाटआमन्त्रित अथिति कलाकार गायक कुशल थलङ लिम्बु लगायत स्थानीय कलाकारहरुले गीत र नृत्य प्रस्तुत गरेका थिए । कार्यक्रममा निवर्तमान कोषाध्यक्ष श्री आइन्द्र योङ्या ज्युले वार्षिक प्रतिबेदन प्रस्तुत गर्नु भएको थियो भने महासचिव कुमार आङ्देम्बे अबिले वर्षभरिको गतिविधि प्रस्तुत गर्नु भएको थियो । नयाँ कार्य समितिका पदाधिकारीहरु:-

अध्यक्ष :- कुमार आङ्देम्बे अबि प्रथम उपाध्यक्ष :- नुमा काङ्भा बखिम उपाध्यक्ष :- जया कुमारी चेम्जोङ महासचिब :- राज आङ्देम्बे लिम्बु,सचिब :- कन्चन काङ्भा बखिम कोषाध्यक्ष : -खुमा लिम्बु, सह- कोषाध्यक्ष : बसन वनेम सदस्यहरु :- संगिता आङ्थुपो , सुदिप आङ्बुङ, प्रताप मोरेसङ, तुल्सा तुम्बाहाङ्फे, शकुन इजम र सन्जु केदेम वरिष्ठ सल्लाहकार:- गिता तुम्बाहाङफे