पुस २९ दुबाई:- थारु समुदायले बिदेशी भूमिमा पनि ठाउँ समुदायको राष्ट्रिय पर्व माघी गत बर्ष झै यस बर्ष पनि भब्य रुपले सम्पन्न गरेको छ | थारु कल्याणकारिणी सभा यु,ए,ईको आयोजनामा सम्पन्न माघी पर्व २०७५ को अवसरमा सातौ बार्षिक भेला पनि सम्पन्न गरेको छ।रुपेश चौधरीको अध्यक्षता, नेफिन यु,ए,ईका अध्यक्ष पासाङ्ग शेर्पा ज्यु को प्रमुख आतिथ्यमा सम्पन्न भएको सो कार्यक्रम, युवा गायक केशव राज महतो र बासु देव चौधरीले संचालन गरेका थिए। अतिथीको स्वागत अनि माघी पर्व तथा ''थारु सम्वत २६४३'' को शुभकामना सस्थाका प्रवक्ता खेम महतोले गर्नु भएको थियो |थारु कला र सस्कृती हाम्रो देशकै एक ठुलो सस्कृती हो, यसलाई सम्रक्षण गर्न जरुरी छ । बिबिधता मा एकता भनेकै हाम्रो आदिवासी जनजाती को सस्कृती हो र यसलाई हरेक समुदायले साथ र सम्रक्षण दिनु पर्छ भन्दै आफ्नो छोटो र मिठो सन्देश मुलक मन्तब्य कार्यक्रमका प्रमुख अतिथी शेर्पा ज्यु ले दिनु भयो । नेपाल देखी आमन्त्रीत पाहुनाहरु बहुचर्चित गायक श्रीनिवास चौधरी , युवा गायक केशव राज महतो , नेपालको पहिलो थारु फिल्म " करम " र " भुर भुरा रहर " का निर्माता , अभिनेता तथा समाज सेवि रामलाल चौधरी र सोहि फिल्म का निर्देशक , थारु पत्रकार सङ्घ नेपाल का केन्द्रीय अध्यक्ष तथा Tharuwan.com अनलाइन मिडिया का सम्पादक मदन चौधरी ज्युहरु लाई प्रमुख अतिथी शेर्पा र कार्यक्रमका सभापती रुपेश चौधरी द्वारा उहाहरुको काम को योगदान र प्रसंशा गर्दै दोसल्ला ओढाई सम्मान गर्नु भयो। साथ मा थारु कल्याणकारिणी सभा यु ए ई को बन्द सत्र ( २०१९ - २०२१ कार्यकाल ) मा रुपेश चौधरी को अध्यक्षता मा ३१ जनाको केन्द्रीय समिती र प्रमुख सल्लाह कार मा घनश्याम चौधरी लाई घोषणा गर्नु भयो ।औपचारिक कार्यक्रम समापन भएको घोषणा सभापती चौधरीज्यु बाट भए लगतै गायक द्वयले कार्यक्रमको माहोल नै परिबर्तन गरेका थिए | गायक श्रीनिवास चौधरी को "नजरसे नजिरिया मिलाके " र "सेक्सी जवानी ले " बोलको गितले आफ्नो दर्शक र शुभ चिन्तकहरुलाई छमछम नचाए भने युवा गायक केशव ले पनि "हर साल माघी आइल " बोल को गितले सबै दर्शक को मन जित्न सफल भए । अन्त्यमा , रङ्गिन माहोल को थकान पश्चात खान पिन गरि माघी उत्सब समापन भयो।