माघ २० फिष्टेल न्यूज तेल अभिव,इजरायलमा नेपाली नया बर्ष २०८१ सांगीतिक साँझको आयोजना गरि भब्य रुपले मनाउने भएको छ ।सो सांगीतिक सांझको आयोजना नेपाल मगर संघ शाखा इजरायलले गर्ने भएको छ।कार्यक्रममा नेपालबाट आमन्त्रित लोकप्रिय कलाकारहरुको उपस्थित रहने संघका अध्यक्ष सुर्य बहादुर राना मगरले हामीलाई जानकारी दिनु भएको छ ।सांगीतिक साँझ २०८१ को तयारी तिब्र रुपमा गर्दै जाने, स्थान र कलाकारहरु इजरायलबासीहरुको चाहना र इच्छा अनुसार हुने पनि अध्यक्ष रानाले विश्वास दिलाउनु भएको छ । स्मरण रहोस नेपाल मगर संघ शाखाले स्थापना काल देखि नै यस्ता विभिन्न कार्यक्रमहरुको आयोजना गर्दै आइरहेको छ ।संघले नेपालमा मगर समुदायको हक हितको लागि विभिन्न कार्यक्रमहरु /योजनाहरु गर्नुका साथै मगर ढुट बिकासको लागि संघको लगानीमा कार्टुन मुबीमा काम भईरहेको छ ।नया बर्ष २०८१ को उपलक्ष्यमा हुने सो सांगीतिक साँझको लागि सम्पूर्ण इजरायलबासी ,सङ्गीत प्रेमी तथा संघ ,सस्थाहरुमा मगर संघ शाखा इजरायलको तर्फबाट अर्को कार्यक्रम नगरिदिन अनुरोध पनि गर्नु भएको छ ।संघले नया बर्ष २०८१ को शुभकामना आदानप्रदान तथा तथा सांगीतिक साँझमा इजरायलमा रहनु हुने नेपाली /नेपाली भाषी सम्पूर्णलाई सहभागी गराउनुका साथै भब्य मनोरंजनको अवसर प्रदान गर्ने लक्ष्य रहेको पनि संघले जानकारी दिनु भएको छ ।कलाकारहरु र स्थानको जानकारी केहि दिनमा निश्चित भए पछि जानकारी गराउने भएको छ।