जुन ३० मनु कोंमे तमु यूएई :-बिश्वब्यापी रुपमा महामारी फैलिएको कोभिड - १९ काेराेना भाईरसको लकडाउनका कारण युएईमा रोजगार गुम्ने नेपाली नागरिकहरूको संख्या दिन प्रतिदिन बढदै गैरहेको, युएईको होटेल,रेष्टुरेन्ट तथा मनोरञ्जन स्थालमा कार्यरत नेपालीहरु बढी यसको मार र चपेटामा परेको, रोजगारी गुमाइ बेतलबी बिदामा बसेका,भिजिट भिसामा आइ बिचल्ली र अलपत्रमा परेका कारण मातृभुमी नेपाल फर्कने नेपाली नागरिकहरुको संख्या अत्यधिक भएको कारणले सरकारले व्यवस्था गरेको चार्टड उडानहरू पर्याप्त नभएकाे र उक्त चार्टर उडान बाट समस्याहरु दीर्घकालीन रुपमा समाधान हुन नसक्ने भन्दै नेपाली समाज यूएई तथा आबद्व ४४ वटा संघ संस्थाहरुका प्रमुखहरूकाे हस्ताक्षर सहितकाे पत्र साेमवार नेपाल राजदुतावास अबुधाबी युएई मार्फत नेपाल सरकार प्रधानमन्त्री कार्यालय सिंहदरबार समक्ष बुझाईएकाे छ। नेपाली समाज युएई सन् १९९० मा स्थपित युएईको सबै भन्दा जेठो र पुरानो संस्था हो।नेपाली समाज युएई संग युएईमा स्थपित ४४ संघ संस्थाहरु आबद्ध रहेको छ। नेपाली समाज युएईले स्थापनाकालदेखि नै प्रवासी नेपालीहरुको हकहितमा निरन्तर कार्य गर्दै आइरहेको छ।यसैसन्दर्भमा हाल महामारीमा परी लकडाउनको कारण रोजगारी गुमाइ बिचल्ली र अलपत्रमा परेका नेपाली नागरिकहरु लाई स्वदेश फर्काउनको लागी नेपाली समाज युएई तथा आबद्ध ४४ संघ संस्थाहरु नेपाल सरकार सम्म अन्तर्राष्ट्रिय उडानहरु माथी लगाइएको बन्देज लाई तुरुन्त फुकुवा गरि पिडामा रहेका प्रवासी नेपालीहरु लाई सहज रूपमा स्वदेश फर्केने वातावरण निर्माण गर्न नेपाली राजदुतावास युएई मार्फत प्रधानमन्त्री कार्यालय सिंहदरबार काठमाण्डौ लाई पत्र बुझाएको नेपाली समाज युएईका अध्यक्ष गोबिन्द ढकालले बताएका छ्न। नेपाल सरकारको तथ्यांकअनुसार हाल यूएईमा २ लाख ७५ हजारकाे हाराहारीमा नेपालीहरू रहेको छन भने वैदेशिक रोजगारी,विभिन्न व्यवसाय तथा अध्ययनको लागी बार्षिक करिब १ लाख २५ हजारको हराहारीमा नेपालीहरु आउने गरेको देखिन्छ । यसरी समग्रमा हेर्दा वैदेशिक रोजगारीको लागी आउने अधिकांश नेपालीहरुको युएईको बसाईको अनुपात र कम्पनीको करार अवधी २ बर्षको हुने हुंदा तथ्यांक लाई हेर्ने हो भने मासिक करिब १५ हजारको हाराहारीमा नेपालीहरु आफ्नो करार अवधी सकिएर नेपाल फर्कने गरेको देखिन्छ भने पर्यटन लगायतकाे भिसामा आएका करिव ४ लाख जति नेपाली यूएईमा रहेकाे पनि नेपाली समाज युएईले जनाएकाे छ । नेपाल सरकारले केहि दिन पहिले बाट शुरु गरेको उद्दार उडानबाट केहि पीडित नेपाली नागरिकहरु आफ्नो मातृभुमी फर्कन सफल भएका छ्न। युएई बाट हालसम्म ११ वटा चार्टर उडान भएको छ भने चार्टड उडान मार्फत १८ सय ८९ जना नेपाली नागरिकहरु नेपाल फर्की सकेका छ्न भने नेपाल दूतावास युएईले अनलाइन फाराम भर्ने दोस्रो चरणमा १५ हजार ३ सय ५ जनाको एकीकृत नामावली पनि सार्वजनिक गरेको नेपाली दूतावास आवुधावीले जानकारी गराएको छ।