अगस्ट १८ तेल अभिव :- नेपाल आदिवासी जनजाति महासंघले सामाजिक न्याय प्राप्तिका लागि गरिएको शान्तिपूर्ण आन्दोलनमाथि राज्यले दमन गरिरहे उत्पीडित समुदायको आन्दोलन राज्य र सरकारका लागि महंगो पर्ने चेतावनी दिएको छ । शनिबार ‘आरक्षण बचाऔ आन्दोलन’ले काठमाडौंमा आयोजना गरेकाे लाठी जुलुसमा प्रहरीले लाठी चार्ज गर्दै धरपकड गरेपछि महासंघका कार्यवाहक महासचिव सुखवीर थामीले आइतबार प्रेस विज्ञप्ती निकाल्दै आन्दोलनमा दमन नगर्न चेतावनी दिएका हुन् ।शनिबार प्रहरीको लाठी चार्जबाट घाइते भएका तथा पक्राउसमेत परेका महासंघका अध्यक्ष जगत बरामलगायत आन्दोलनकारीहरु शनिबार साँझ नै रिहा भइसकेको जानकारी समेत विज्ञप्तीमार्फत गराइएको छ ।विभेदलाई कायम राख्दै राज्यलाई द्वन्द्व र मुठभेटतर्फ धकेल्ने कार्य तत्काल बन्द गर्न महासंघले सरकारसँग आग्रह गरेको छ । विज्ञप्तीमा भनिएको छ, ‘हामी ध्यानाकर्षण गराउन चाहन्छौ, विभेदलाई कायम राखेर राष्ट्रलाई द्वन्द्व र मुठभेटतर्फ धकेल्ने दुस्प्रयास तत्काल बन्द गरियोस् ।’लोकसेवा आयोगले गत जेठ १५ गते संविधानमा भएको समावेशी व्यवस्था विपरीत स्थानीय तहमा ९ हजार १६१ जना कर्मचारी भर्नाका लागि विज्ञापन गरेदेखि नै आरक्षण बचाऔ आन्दोलनको व्यानरमा आदिवासी जनजाति, मधेसी, मुस्लिम, दलित, अल्पसंख्यक लगायत समुदायले आन्दोलन गरिरहेका छन् । यसै आन्दोलनमा एक्यबद्दता राख्दै नेपाल आदिबासी महासंघ इजरायलले आरक्षण बचाउ आन्दोलनमा भएको प्रहरी दमन भएको प्रती खेद प्रकट गर्दै आन्दोलनमा घाइते हुनु भएका अध्यक्ष जगत बाराम लगाएत सम्पूर्ण आन्दोलनकारीहरुको सिघ्र स्वास्थ्य लाभको कामन गर्दै , रु ११११११ (एक लाख ,एघार हजार एक सय एघार ने रु ) सहयोग इजरायल भ्रमणमा रहनु भएका केन्द्रिय उपाध्यक्ष तथा विदेश बिभाग प्रमुख गोविन्द छन्त्याललाई सो रकम हस्तान्तरण गरेको नेपाल आदिबासी महासंघ इजरायलका अध्यक्ष तारा काउचा मगरले जानकारी दिनु भएको छ, वहाले सबैले आ-आफ्नो तर्फ देखि सहयोग गर्नको लागि हार्दिक अनुरोध गर्नु भएको छ ।