जनवरी २३ दमौली :-शुक्लागण्डकी नगरपालिका–३ वनकेवाँ धारापानीमा मंगलबार दिउँसो बस दुर्घटना हुँदा ५ जना घाइते भएका छन् ।शुक्लागण्डकी–६ व्यागनबाट दुलेगौडा आउँदै गरेको ग १ ख ६८५३ नम्बरको बस दुर्घटना भएको हो । दुर्घटनामा चालक शुक्लागण्डकी नगरपालिका–६ बस्ने वर्ष २३ का सुकबहादुर नेपाली, शुक्लागण्डकी नगरपालिका ४ का ४० वर्षिय देबबहादुर थापा र शुनपा–४ का २३ वर्षिय शिशिर राना घाइते भएका छन् ।

उनीहरुको सेतीगंगा अस्पतालमा उपचार भइरहेको छ । घाइतेको अवस्था सामान्य छ ।यसैगरी शुनपा–६ बस्ने ३५ वर्षिय डोल माया थापा र ४० वर्षिय देवबहादुर थापाको गण्डकी मेडिकल कलेज पोखरामा उपचार भइरहेको छ । बसमा १७ जना सवार रहेको इलाका प्रहरी कार्यालय बेलचौताराले जनाएको छ । घाइतेको हात, टाउकोमा चोट लागेको छ ।