इजरायलमा ”तीज उत्सव २०७५ ”को सम्पूर्ण तयारी पुरा ,उठेको रकम धुर्मुस सुन्तली फाउन्डेशनद्वारा निर्माण गर्न लागिएको क्रिकेट स्टेडियमको लागि प्रदान गरीने |

विदेश

इजरायलमा ”तीज उत्सव २०७५ ”को सम्पूर्ण तयारी पुरा ,उठेको रकम धुर्मुस सुन्तली फाउन्डेशनद्वारा निर्माण गर्न लागिएको क्रिकेट स्टेडियमको लागि प्रदान गरीने |
भदौं १९ तेलअभिव: -बैदेशिक रोजगारको शिलशीलामा इजरायलमा रहेका अधिकांश नारीहरुलाई मध्ये नजर राख्दै हिन्दुनारीहरुको महान पर्व हरितालिका तीज उत्सव २०७५ गैर आवासिय नेपाली संघ राष्ट्रिय समन्वय परिषद (NRNA NCC) इजरायलको मुख्य आयोजनामा भब्य रुपले मनाउने आवस्यक तयारी पुरा भएको कार्यक्रम संयोजक शान्ता ज्ञवालीले जानकारी दिनु भएको छ |यही आउदो सेप्टेम्बर १४ तारिख शुक्रबार साँझ तेलअभिवमा हुने सो कार्यक्रममा राष्ट्रिय ख्यातीप्राप्त गायक रामजी खांड,गायिकाहरु उमा श्रेष्ठ र माण्डवी त्रिपाठीको साथमा स्थानीय कलाकारहरुको प्रस्तुती रहनेछ | यस कार्यक्रमबाट उठेको रकम धुर्मुस सुन्तली फाउण्डेशनद्धारा निर्माण गर्न लागिएको अन्तराष्ट्रिय क्रिकेट स्टेडियमको लागी प्रदान गरिने आयोजकले जानकारी दिइएको छ। यहाँ हुने विभिन्न सांगीतीक कार्यक्रमहरु अधिकाँश समय औपचारिक कार्यक्रममा खर्च हुने भएकोले आमन्त्रित कलाकारहरुको प्रस्तुती पुरा हेर्न नपाउने गुनासोलाई मध्ये नजर राख्दै सकेसम्म आयोजकले औपचारीक कार्यक्रम छोट्याउने तथा उपस्थीत सबैलाई भरपुर मनोरंजन दिलाउने व्यवस्था गर्ने जानकारी आयोजकले दिईएको छ | ''तीज उत्सव २०७५ '' मिती :-१४ सेप्टेम्बर २०१८ समय :-७ बजे साँझ स्थान :-वाइजमन ६० तेल अभीव

यो लेख कस्तो लाग्यो? मूल्याङ्कन गर्नुहोस।

नराम्रोठिकैराम्रोधेरै राम्रोउत्कृष्ट (कुनै मूल्याङ्कन भएको छैन)
Loading...