भदौं १६ इजरायल:- ख्यातीप्राप्त राष्ट्रिय कलाकारहरुको उपस्थितीमा हिन्दुनारीहरुको महानचाड हरितालिका तीज विशेष कार्यक्रम “हरितालिका तीज उत्सव २०७५” इजरायलमा भब्य रुपले मनाउने भएको छ ।गैर आवासिय नेपाली संघ राष्ट्रिय समन्वय परिषद (एनआरएनए एनसिसी) इजरायलको मुल आयोजना तथा इजरायलमा रहेका खेल प्रेमी युवाहरुको समुह र विभिन्न संघ संस्थाहरुको संयुक्त आयोजनामा आगामी १४ सेप्टेम्वर शुक्रवार विशेष दर भोजको साथमा आयोजना गरिन लागिएको उक्त कार्यक्रम तेलअभिवको वाइजमान स्थित हलमा आयोजना गरिनेछ ।सो तीज उत्सव २०७५ मा नेपालका ख्यातीप्राप्त लोक दोहोरी गायक रामजी खांड,पछिल्लो समय लोकप्रिय गायिका उमा श्रेष्ठ, लोक, पप, आधुनिक गायिका माण्डवी त्रिपाठीको बेजोड प्रस्तुती रहने गैर आवासिय नेपाली संघ राष्ट्रिय समन्वय परिषद (एनआरएनए एनसिसी) इजरायलका प्रबक्ता डोमा शेर्पा फिष्टेल न्यूजलाई जानकारी दिनु भएको छ |त्यसै गरी साँझको ठिक ७ बजेबाट शुरु हुने भनिएको सो कार्यक्रम शुरु हुनुपूर्व कार्यक्रम हल अगाडि तीजको दरभोज खाने व्यवस्था गरिएको पनि वहाले जानकारी दिनु भएको छ। आयोजक समितिले यस अघिका कार्यक्रमहरु भन्दा फरक तरीकाले समयको महत्व बुझेर निर्धारीत समयमा शुरु गरी , अतिथी सत्कार र मन्तब्यलाई पनि सटिक/छोटो बनाउदै भरपुर मनोरंजन दिने हिसावले संचालन गरिने प्रतिबद्द जनाएको छ |

यस अघिका विभिन्न कार्यक्रमहरु निर्धारित समयमा शुरु नहुनु र शुरु भएपछी पनि औपचारिक कार्यक्रममा समय जाने हुँदा आमन्त्रित कलाकारहरुले प्रस्तुति हेर्न नपाउने यहाका दर्शकहरुको गुनासो रहीआएको छ |

एनआरएनए एनसिसी इजरायलको मुल आयोजनामा हुने सो कार्यक्रम ‘हरितालिका तीज उत्सव २०७५’ नाम दिइएको उक्त कार्यक्रमको आयोजकहरुमा खेलकुदप्रेमी युवा समुह, प्रवासी नेपाली नागरिक समाज, इजरायल, अन्तराष्ट्रिय नेपाली कलाकार समाज, चितवन समाज इजरायल, रुपन्देही समाज इजरायल, इजरायल गोर्खा एसोसिएसन, हिन्दु जागरण नेपाल अभियान, इजरायल, ओम जन जागरण इजरायल, भोजपुर सेवा समाज, प्रवासी नेपाली एकता समाज, इजरायल, मातृभुमीका लागि पर्वत सेवा समाज इजरायल, राष्ट्रिय तामाङ घेदुङ, इजरायल हेल्पिङ हर्ट्स इन इजरायल र नेवा: खल इजरायल रहेका छन् | ध्रुमुस सुन्तली फाउन्डेसनद्वारा निर्माण गर्न लागिएको क्रिकेट स्टेडियम निर्माणार्थ आयोजना गरिने उक्त कार्यक्रममा सहभागी भइ भरपुर मनोरञ्जन लिनुहुन सम्पूर्ण इजरायलबासीमा आयोजकद्वारा अनुरोध गरेका छन् ।   “हरितालिका तीज उत्सव २०७५” मिति :-१४ सेप्टेम्वर शुक्रवार समय :-सांझा ७ बजे स्थान :-वाइजमान मार्ग ६० तेल अभीव (60 Wizeman, Telaviv)