नोवेम्बर २९ चितवन :-चितवनको फिस्लिङ स्थित त्रिशुली नदीमा आज विहान यात्रुबाहक बस खसेको छ । विहान सवा ९ बजे भएको दुर्घटनामा परि ६ जनाको मृत्यु भएको छ भने १५ जनाको उद्धार गरिएको चितवन प्रहरीले जनाएको छ । अन्यको उद्धारको प्रयास भईरहेको र बसमा कति यात्रु थिए भन्ने एकिन नभएको प्रहरीको भनाई छ ।

काठमाडौंबाट अर्घाखाँची तर्फ जाँदै गरेको लु १ ख २९१ नम्बरको बस विपरीत दिशा तर्फ जाँदै गरेको ना ६ ख ४९७२ नम्बर ट्रकसंग ठोक्किएर त्रिशुली नदीमा खसेको जिल्ला ट्राफिक प्रहरी कार्यालय चितवनका प्रमुख सन्तोष पन्तले नारायणी अनलाईनलाई जानकारी दिनुभयो ।