डिसेम्बर ३ बाग्लुङ्ग :-गुल्मीको इस्मा गाउँपालिका ४ दोहली पैयाँपाटाबाट कुलपुजाको लागि बागलुङको निसिखोला जाँदै गरेको गरेको ग १ ज ५२१९ नम्बरको जीप बडिगाड गाउँपालिका ६ घोपर्नामा दुर्घटना हुँदा १४ जनाको घटनास्थलमै मृत्यु भएको हो ।जीपमा रहेका मध्ये ९ महिला, ४ पुरुष र १ बालकको घटनास्थलमै मृत्यु भएको हो । अन्य तीन जनालाई उद्धार गरी उपचारका लागि बुर्तिवाङ पठाइएको छ ।। जीपमा कति जना सवार थिए भन्ने एकिन थाहा हुन सकेको छैन । घटनाको थप विवरण आउन बाँकी छ । जिल्ला प्रहरी कार्यालय बागलुङका प्रहरी प्रमुख नवराज भट्टका अनुसार बडिगाड गाउँपालिकाको कोप्चे भन्ने स्थानमा जीप दुर्घटना भएको हो ।उद्धार कार्य जारी छ ।