साउन ७ तेल अभिव :--''पहिचान ,प्रतिनिधित्व ,स्वायत्तताका लागी आदिबासी जनजातीको अडान, पहिचान सहितको संघियताका लागी संबिधान संशोधन हाम्रो साझा अभियान ''भन्ने मूल नाराका साथ इजरायलमा २४ औ विश्व आदिवासी दिवस कार्यक्रम भब्य रुपले मनाईने भएको छ |उक्त कार्यक्रमलाई सम्बोधन गर्नका निमित्त नेफिन इजरायलको निमन्त्रणामा नेपाल आदिवासि जनजाति महासंघ केन्द्रका अध्यक्ष श्री जगत बहादुर बराम ज्यु इजरायल आउनुहुने नेफिन इजरायलका महासचिव समीर श्यांग्बा ह्योल्मोले फिष्टेल न्यूजलाई जानकारी दिनु भएको छ भने नेपाल आदिवासि जनजाति महासंघ इजरायलमा अबद्दा आठ जातिय सस्थाहरुले आफ्नो भेषभुषा ,भाषा ,लिपी,कला सस्कृतिको प्रचार प्रसार सरक्षण र सम्बर्धनको गर्न जातीय पहिचान झल्काउने विभिन्न झाँकी.भाषा ,कला र सास्कृतिक पोशकमा बाजगाज,तथा सांस्कृतिक कार्यक्रमहरु प्रस्तुत गरिने भएको छ | नेपाल संघियतामा गैसकेको तर विभिन्न प्रदेशहरुको नामाकरण हुने क्रममा रहेको अवस्थामा हुने भएको वहाको भ्रमणलाई बिशेष महत्वको रुपमा  लिईएकोछ |प्रदेश नम्बर ४ मा तमुवान -मगरात संघर्ष समितीले प्रदेश नम्बर ४ को नामाकरण तमुवान -मगरात हुनु पर्ने सहितका मागहरु राखेर गरिएको बिरोध तथा आन्दोलनका कार्यक्रमहरु प्रति पूर्ण समर्थन तथा एक्याबद्दता जनाई आन्दोलनमा सहभागी भईरहेको तथा अरु प्रदेशहरुमा पनि यस्तो स्थिति आउन सक्ने राजनैतिक माहोल रहेको यस अवस्थामा हुन लागेको केन्द्रिय अध्यक्षको उपस्थित महत्वपूर्ण/अर्थपूर्ण  मानिएको छ | बिस्वभरका आदिबासी जनजातीहरुको राज्यद्वारा उपेक्षित ,दयनीय अवस्था ,उनीहरुको मौलिक पहिचान सरक्षण, सम्बर्धन र विकास गर्न ,प्राकृतिक स्रोत,साधनहरुमा अग्राधिकार ,मौलिक हक ,राज्य संचालनमा पहुच र प्रतिनिधित्व स्थापित गर्न प्रतेक बर्ष अगस्त ९ तारिक बिस्वभरी नै विश्व आदिवासी दिवस मनाउदै आएको भए पनि इजरायलमा यहाको कामलाई ध्यानमा राखी अगस्त १७ मा लेबन्डा - ३२, तेस्रो तल तेलभिबमा यस कार्यक्रम मनाउने भएकोले यस शुभ अवसरमा इजरायलमा स्थापित मिडिया कर्मी ज्युहरु ,बिभिन्न राजनैतिक ,धार्मिक ,साहित्यिक र सामाजिक संघ सस्था साथै इजरायलवासी दिदीबहिनीहरु ,दाजुभाइ हरु तथा सम्पूर्ण न्यायप्रेमी जनसमुदयहरुलाई सहभागिताको लागि नेपाल आदिवासी जनजाति महासंघ इजरायलद्वारा अनुरोध गरिएको छ |

कार्यक्रम :- २४ औ विश्व आदिवासी दिवस २०१८ मिति :- १७ अगस्ट २०१८ शुक्रबार समय :- ठिक ७.३० बजे साझँ देखि स्थान : -लेबन्डा - ३२, तेस्रो तल तेलभिब, इजरायल । आयोजक :- नेपाल आदिबासी जनजाती महासंघ इजरायल

नोट : हल प्रवेश निशुल्क