डिसेम्बर ०३ धनगढी :-प्रदेश नम्बर ७ को राजधानी कैलालीको धनगढि तोकिएपछि बिरोध शुरू भएको छ । डोटीमा राजधानी हुनुपर्ने भन्दै आन्दोलन गरिरहेका आन्दोलनकारीले एक मोटरसाइकलमा आगजनी समेत गरेका छन्।७ नम्बर प्रदेशको राजधानी डोटी बनाउन माग गर्दै आएका आन्दोलनकारीले बन्दको अबज्ञा गरेको भन्दै से १ प ८८६ नम्बरको मोटरसाइकलमा आगजनी गरेका हुन्।

प्रदेशको अस्थायी राजधानीका विषयमा सिफारिस समितिले प्रदेश नम्बरको ७ को राजधानी कैलाली सिफारिस गरेको निर्णयको विरोधमा डोटीमा आन्दोलन चर्किएको हो।बन्दका कारण यातायातका साधन पूर्णरुपमा ठप्प भएका छन्। लामो तथा छोटो दुरीका यातायात साधन रोकिएका छन्। १२ गतेदेखि एक हप्तासम्म शान्तिपुर्ण रुपमा सञ्चालनमा रहेको आन्दोलन मंगलबारदेखि आन्दोलन उग्र बन्दै गएको छ।