डिसेम्बर ०१ पेशावर :-पाकिस्तानीको शहर पेशावरस्थित एक कलेजमा प्रवेश गरी बन्दुकधारीहरुले अन्धाधुन्ध गोली चलाउँदा कम्तीमा ८ जनाको ज्यान गएको छ।मारिने मध्ये ८ जना विद्यार्थी र १ जना कर्मचारी रहेको प्रहरीले बताएको छ।अन्य ३६ जना घाइते छन्।बुर्का लगाएका कम्तीमा तीन पुरुष रिक्सामा पेशावरस्थित कृषि तालिम केन्द्र पुगेको र त्यहाँभित्र प्रवेश गरेको बताइएको छ।

सेनाका अनुसार सबै आक्रमणकारी मारिएका छन्।पाकिस्तानी तालिवानले आक्रमणको जिम्मा लिएको बताएको छ।कलेजभित्रबाट कम्तीमा एउटा विस्फोटको आवाज सुनिएको सेनालाई उद्धृत गर्दै स्थानीय सञ्चारमाध्यमले जनाएका छन्।प्रहरी र सेनाले उक्त क्षेत्रलाई घेराबन्दी गरेका छन्।एक जना घाइते विद्यार्थीले बताएअनुसार, कलेजभित्रै बस्ने ४०० जना विद्यार्थीमध्ये करिब १२० जना आक्रमणको समयमा उपस्थित रहेको थियो।