श्रावण २६ राजीत गुरुङ बहराइन :-‘विश्वको आदिबासी एक हौ’ “आफ्नो भेषभुषा भाषालिपी कला सँस्कृतिको सम्रक्षण र सँस्कृतिको सम्बर्द्धन गरौ” भन्ने मुल नारा सहित १० अगस्ट २०१८ शुक्रबारका दिन बहराईन स्थित इन्द्रेणी नेपाली रेस्टुरेन्टमा "२४औं बिश्व आदिवासी दिवस तथा बहुल जातिय संस्कृतिक साँझ २०१८" भब्य र सभ्यरुपमा सम्पन्न भएको छ | नेपाल आदिवासी जनजाती महासंघ बहराईन शाखाको आयोजना महासंघमा आबद्ध छ ओटा जातीय संस्थाहरुको सहकार्यमा उक्त कार्यक्रम सम्पन्न भएको हो । संस्थाको अध्यक्ष ज्ञानेन्द्र तमुको सभापतित्वामा सम्पन्न कार्यक्रममा प्रमुख अतिथिमा बहराइनका लागि नेपालाका राजदुत पदम सुन्दाश रहनु भएको थियो भने बिशेष अतिथिहरुमा सल्लाहकार नगेन्द्र चामलिंङ् राइ, समाजसेबी गम गुरुङ्, दुर्गा गिरि, नेपाली क्लबका अध्यक्ष कमल श्रेष्ठ, एन आर एन ए बहराइनका अध्यक्ष लाल पुन, अतिथिहरुमा नेपालि जनसम्पर्क समिति बहराइनका सभापति पदम सुन्दर गुरुङ, प्रबासी नेपालि मंचका अध्यक्ष सालिग्राम पन्त लगायतका रहनु भएको थियो | कार्यक्रमको औपचारिक संचालक महासचिब झहर थेबेले गर्नु भएको थियो भने सांगीतिक कार्यक्रमको संचालक कोषाध्यक्ष च्यांङ्बा लामाले गर्नु भएको थियो | कार्यक्रममा आफ्नो जातिय पहिचान झल्किने बिभिन्न प्रस्तुतीहरु प्रस्तुत गरिएको थियो । नेपाल मगर संघ बहराईन, तमु समाज बहराइनले आफ्नो पहिचान झल्किने सास्कृतिक कोसेली पस्कियो भने किराँत याक्थुङ चुम्लुङ बहराइनले च्याब्रुङ (धान नाच) नाच, किराँत राइ यायोक्खाको साकेला नित्य, तामाङ सेवा समाज बहराईनको तामाङ् सेलो र शेर्पा किदुक बहराइनले आफ्नो सँस्कृति झल्किने सांस्कृतिक प्रस्तुतिले सबैको ध्यान खिच्न सफल भएको थियो | कार्यक्रमा स्थानीय कलाकारहरुको रुपमा ख्याती कमाएका कलाकार तथा कोरियो ग्राफी बुद्ध मोक्तान र सकुन सुब्बाको युगल सांगीतिक प्रस्तुतिले सबैलाई थप मनोरन्जन प्रदान गरेको थियो ।