मे २७ काठमाडौँ :- काठमाडौं कोटेश्वरबाट प्रेसर कुकरसहित प्रतिबन्धित नेत्रविक्रम चन्द विप्लव समूहका ७ जना कार्यकर्ता पक्राउ परेको छ । उनीहरुले राजधानीका विभिन्न स्थानमा बम विस्फोट गराउने योजना बनाएको प्रहरीले जनाएको छ । पक्राउ परेकाहरुलाई आजै अदालतमा उपस्थित गराएर म्याद थप गरी थप अनुसन्धान गरिने प्रहरीले जनाएको छ । उनीहरुलाई अहिले महानगरीय प्रहरी वृत्त बानेश्वरमा राखिएको छ। पक्राउ पर्नेहरुमा तेजबहादुर मोक्तान, तेजराज काफ्ले, बुद्धिराम पुन, बुद्धिबहादुर सुनार, राकेश श्रेष्ठ, चित्रकमल ओली र डम्बरबहादुर तामाङ रहेका छन् ।पक्राउ परेकाहरुसँग प्रहरीले प्रारम्भिक बयान लिएको छ ।उनीहरुको साथबाट प्रहरीले ४ वटा प्रेसर कुकर, चन्द समूहको ब्यानर, पर्चा, केही किताब र कागजात बरामद गरेको छ ।