मार्च १९ काठमाडौँ :-विश्वभरी महामारी फैलिएको कोभिड -१९ को कारण युएई सरकारले आज दिनको अपरान्ह १२ बजे देखी लागू हुने गरि सबै प्रकारका भिसा भएकाहरुलाई दुई हप्ताको लागि युएई प्रवेश निषेध गरेको छ। युएईले हाल छुट्टिमा स्वदेशमा रहनु भएका जो संग भिसा र श्रम (रेसिडेन्सी भिषा धारकहरु) भएता पनि दुई हप्ताको लागी सबै भिसा निलम्बित गरेको छ।  संक्रमणको अवस्था हेरेर अझै थप हुन सक्ने सम्भावना रहेको छ। साथै संयुक्त अरब इमिरेट्समा रहनुभएका नेपालीहरु आफूले काम गरिरहेको कम्पनीको भिसा रद्द गर्ने, आवास छोडने, विदा लिई नेपाल जाने, आफ्ना परिवारका सदस्यहरूलाई युएइ ल्याउनेलगायतका कार्यहरू तत्कालका लागि नगर्नुहुन नेपाली राजदुतावास, अबुधाबी अनुरोध गर्दछ । युएइको Federal Authority for Identity and Citizenship को सूचनाअनुरूप युएइको आवासीय भिसा भएका व्यक्तिहरूका लागि १९ मार्च २०२० को अपरान्ह १२ बजेदेखि हाल दुईहप्ताका लागि आगमन निषेध गरेको व्यहोरा समेत सम्बन्धित सबैको जानकारीको लागि अनुरोध छ ।