अप्रिल ८ काठमाडौँ :- प्रधानमंत्री केपी शर्मा ओलीले अब सधैँका लागि नेपाल र भारतबीचको सम्बन्ध सुध्रिएको बताउनु भएको छ ।भारतको ३ दिने राजकीय भ्रमण सकेर स्वदेश फर्किए लगत्तै प्रधानमन्त्रीले यसो भन्नु भएको हो।त्रि. अ. विमानस्थलको अति विशिष्ट कक्षमा सञ्चारकर्मीसँगको कुराकानीमा प्रधानमन्त्री ओलीले आफ्नो भ्रमणले भारतसँगको सम्बन्ध थप समधुर बनेको र अब सधैंका लागि सुध्रिएको बताउनु भयो ।ओलीले भने, हामी भारतसँगको सम्बन्ध बिगार्ने पक्षमा छैनौं ।’

  प्रधानमन्त्री ओलीले आफ्नो भारत भ्रमणका क्रममा महत्वपूर्ण र केही नयाँ सम्झौता भएको पनि बताउनु भयो ।सडक, रेल र जलमार्ग बिस्तार गर्ने विषयमा भारतीय पक्षसँग महत्वपूर्ण सहमति तथा समझदारी भएको प्रधानमन्त्री ओलीको भनाइ थियो ।प्रधानमन्त्री ओलीले आफ्नो भ्रमणले भारतसँग मित्रवत् सम्बन्ध विकसित भएको पनि दावी गर्नु भयो।   सीमासम्बन्धी विवाद तथा अन्य विवादका विषयमा पनि आफूले भारतीय समकक्षीसँग गम्भीरतापूर्वक कुरा उठाएको ओलीले बताउनु भयो ।यस्तै पञ्चेश्वर र टकनकपुरका सम्बन्धमा पनि आफूले भारतीय प्रधानमन्त्रीको ध्यानाकर्षण गराएको ओलीले बताउनु भयो ।पञ्चेश्वरमा र टनकपुरमा देखिएको समस्या समाधानका लागि भारतीय प्रधानमन्त्री मोदीले आफू दिल्लीमा हुँदा नै मातहतका निकायलाई निर्देशन दिइसकेको ओलीले बताउनु भयो ।