तेल अभिवमा भएको सांगीतिक साँझ भब्य रुपले सम्पन्न ,सागर आलेको दमदार प्रस्तुतिमा झुमे इजरायलका नेपालीहरु |
विदेश
मार्च १७ इजरायल :-'' नेपालमा गरिब,असहाय,अपाङ्ग र जेहेन्दार बालबालिकाहरुलाई शैक्षिक छात्रवृत्ति प्रदान गरिरहेको किराँत याक्थुङ चुम्लुङ इजरायलको कल्याणकारी कोष बृद्दि गर्ने उद्देश्य राखी किराँत याक्थुङ चुम्लुङ इजरायलको आयोजना ,ह्योल्मो समाज इजरायल ,नेपाल मगर संघ इजरायल र किराँत राई यायोख्खा इजरायलको सह-आयोजनामा गत शुक्रबार हागना १३५ तेलअबिब इजरायलमा सम्पन्न भएको च्यारिटी सांगीतिक सांझ भब्य रुपले सम्पन्न भएको छ |
प्रमुख अतिथी नेपाली राजदुतावासबाट पाल्नु भएका महामहिम श्री निरन्जन कुमार थापा , विशिष्ठ अतिथि एआर एन ए इजरायलका अध्यक्ष छिरिंग शेर्पा ,नयन इम्सोंन्ग किराँत याक्थुङ चुम्लुङ इजरायलकी वर्तमान अध्यक्ष गिता तुम्बाहाङफे, लगायतबाट रिबन काटी उद्घाटन गरिएको सो कार्यक्रममा सस्थाका अध्यक्ष गिता तुम्बाहाङफेले स्वागत मन्तब्य राख्नु भएको थियो | तोकिएको समय भन्दा केहि ढिलो शुरु भएको सो कार्यक्रममा दर्शकहरुको ठुलो सहभागिता रहेको थियो |नेपालबाट आमन्त्रित कलाकार नेपाल आइडलका टप ४ स्थानका उदयमान गायक सागर आलेको प्रस्तुतिबाट दर्शकले भरपुर मनोरंजन लिएका थिए भने साहित्यकार,कवि तथा राष्ट्रिय कलाकार( झाक्री बाजे) उपेन्द्र सुब्बाले पनि दर्शकहरुलाई भरपुर मनोरंजन दिनुभएको थियो इजरायलमा रहेका स्थानीय कलाकारहरुको प्रस्तुतिपनि सराहनीय लाइक थियो |
कार्यक्रम किराँत याक्थुङ चुम्लुङ इजरायलका महासचिव कुमार आङ्देम्बे अबि र संचालिका सचीव नुमा बखिमले संचालन गर्नु भएको थियो | किराँत याक्थुङ चुम्लुङ इजरायलकी वर्तमान अध्यक्ष गिता तुम्बाहाङफे कार्यक्रम सफल बनाउनको लागि साथ दिनु हुने बिभिन्न संघ संस्था,पत्रकार लगायत उपस्थित, अनुपस्थित इजरायलबासी सम्पुर्ण नेपाली दाजुभाइ तथा दिदिबहिनीमा आयोजक कियाचु इजरायल तथा सह आयोजक संघ संस्थाहरुको तर्फबाट हार्दिक धन्यबाद प्रकट गर्नु भएको थियो |
यो लेख कस्तो लाग्यो? मूल्याङ्कन गर्नुहोस।
(कुनै मूल्याङ्कन भएको छैन)
Loading...
