जुन १४ पोखरा :- पोखरामा एक युवक मृत अवस्थामा फेला परेका छन् ।पोखरा महानगरपालिका-२९ पट्नेरीका २० बर्षीय अमित रसाइली मृत फेला परेको गण्डकी प्रदेश प्रहरी कार्यालय पोखराले जनाएको छ ।रसाइलीको शव आइतबार पोखरा -३२ स्थित सेती नदिको बिचमा फेला परेको कार्यालयका प्रहरी प्रवक्ता प्रहरी नायव उपरीक्षक राजेन्द्र वावु रेग्मीले जानकारी दिए । शनिवार रातको करिव ९ बजे मोटरसाइकल किनेको खुसियालीमा साथिहरुलाई पार्टी दिन भनेर पोखरा -३३ बाघमारा चौरमा हिडेका उनी आइतबार बिहान ७:१० बजे मृत भेटिएका हुन् ।पार्टी दिन गएका युवक हराएको भनि आइतवार बिहान ३:३० मा खबर पाएपछि कास्की प्रहरीले खोजतलास थालेको थियो ।प्रहरीले रसाइलीसँगै गएका ४ जना साथीहरुसँग सोधपुछ गरी अनुसन्धान भइरहेको जनाएको छ ।