अप्रिल १८ काठमाडौँ :-बैदेशिक रोजगारको शिलशिलामा परदेसी भुमीमा भए पनि सधै नेपाली कलासस्कृतिलाई माया गर्ने गायक सुर्य राना मगरको आवाजमा “मेरो माया बिर्साउने भेट्यौ की पानी तिर्खा दुधैले मेटियो कि ” बोलको सालैजो गीत सार्बजनिक भएको छ|वहालाई यस गीतमा गायिका टिका पुन मगरले साथ दिनु भएको छ | सालैजोको यो मिठो लोक भाकामा शब्द एकनारायण भण्डारीको रहेको छ भने संगीत दुर्गा बिसीले गर्नु भएको छ। याम गुरुंगको नृत्य निर्देशन निकै आकर्षक छ भने कलाकारहरु उद्धव लामा र मिंग्मा डोमाको अभिनय तथा नृत्य पनि उत्तिकै जिवन्त र परिपक्क छ । पुरै गाउँघरकै सम्झना गराई दिने दृश्य रहेको यस गीतले बिशुद्द नेपाली लोक संगीत क्षेत्रमा पक्कै पनि दर्शक स्रोताहरुले रुचाउनु हुनेछ | मुकेश दाहालले छायांकन गरेको भिडियोलाई देव पुनले निर्देशन गरेका हुन् |