असोज १८ चितवन:- चितवनमा ट्रकको ठक्करबाट मोटरसाइकलमा सवार १ जनाको घटनास्थलमा नै मृत्यु भएको छ ।पूर्वबाट नारायणगढतर्फ आउँदै गरेको ना ५ ख ९८६१ नम्बरको ट्रकले सोही दिशामा जाँदै गरेको ना २८ प ७७३४ नम्बरको मोटरसाइकललाई आज ठक्कर दिँदा खैरहनी नगरपालिका–१ बहेरी चोकको सोहना चौधरीको घटनास्थलमै मृत्यु भएको छ । दुर्घटनामा मोटरसाइकल पछाडि सवार जेनी महतो गम्भीर घाइते भएकी छन् । घाइतेलाई भने उपचारको लागि भरतपुर ल्याइएको छ । मोटरसाइकललाई ठक्कर दिने ट्रकलाई आक्रोशित स्थानीयले आगजनी गरेका छन् । केही बेर बन्द भएको पूर्वपश्चिम राजमार्ग एकतर्फी  सञ्चालनमा आएको छ ।